लैङ्गिक हिंसाको सन्दर्भमा अनुसन्धान र अभियोजनमा अनुसन्धानकर्ता प्रहरी, अभियोजनकर्ता सरकारी वकील र न्याय सम्पादनमा संलग्न अधिकारी बीचको अन्तरक्रिया कार्यक्रम ।

मिति २०८०।०२।२९ गते बागमती प्रदेशको काठमाडौंमा लैङ्गिक हिंसाको सन्दर्भमा अनुसन्धान र अभियोजनमा अनुसन्धानकर्ता प्रहरी, अभियोजनकर्ता सरकारी वकील र न्याय सम्पादनमा संलग्न अधिकारी बीचको अन्तरक्रिया कार्यक्रम सञ्चालन गरिएको थियो। अन्तरक्रियाको अध्यक्षता महान्यायाधिवक्ताको कार्यालयका वरिष्ठतम् नायब महान्यायाधिवक्ता श्री विश्वराज कोइरालाले गर्नु भएको थियो। सो कार्यक्रमका प्रमुख अतिथिको रुपमा माननीय महान्यायाधिवक्ता डा. दिनमणी पोखरेलको उपस्थिति थियो। विशेष अतिथिको रुपमा श्री नेपाल बार एशोसिएशनका अध्यक्ष गोपालकृष्ण घिमिरे, श्री सर्वोच्च अदालतका मुख्य रजिष्ट्रार श्री लालबहादुर कुँवर, उच्च अदालत, पाटनका माननीय कायम मुकायम मुख्य न्यायाधीश श्री महेश प्रसाद पुडासैनी, महान्यायाधिवक्ताको कार्यालयका नायब महान्यायाधिवक्ताहरु डा. टेकबहादुर घिमिरे र श्री गोपालप्रसाद रिजाल, नेपाल प्रहरीका प्रहरी महानिरीक्षक श्री वसन्त बहादुर कुँवर र बागमती प्रदेशका मुख्य न्यायाधिवक्ता श्री ज्ञानेन्द्र नेपालको उपस्थिति थियो। माननीय महान्यायाधिवक्ताज्यूबाट दिप प्रज्वलन गरी कार्यक्रमको उद्घाटन भए पश्चात् महान्यायाधिवक्ताको कार्यालयका सहन्यायधिवक्ता श्री खेमराज ज्ञवालीले स्वागत मन्तव्य तथा कार्यक्रमको उद्देश्य माथि प्रकाश पार्नु भएको थियो। सो पश्चात अनुसन्धानकर्ताको तर्फबाट जिल्ला प्रहरी परिसर, काठमाडौंका प्रहरी वरिष्ठ उपरीक्षक श्री दान बहादुर कार्कीले, अभियोजनकर्ताको तर्फबाट जिल्ला सरकारी वकील कार्यालय ललितपुरका जिल्ला न्यायाधिवक्ता श्री सुशिला ज्ञवालीले, न्याय सम्पादनकर्ताको तर्फबाट काठमाडौं जिल्ला अदालतका माननीय जिल्ला न्यायाधीश श्री राजु कामर खतिवडाले तथा महान्यायाधिवक्ताको कार्यालयको तर्फबाट सहन्यायाधिवक्ता श्री सूर्यराज दाहालले गर्नुभएको प्रस्तुतीकरणमा विरष्ठतम नायब महान्यायाधिवक्ता श्री विश्वराज कोइराला, सहन्यायाधिवक्ता श्री लोकराज पराजुली, नायब महान्यायाधिवक्ता श्री डा. टेक बहादुर घिमिरे र नायब महान्यायाधिवक्ता श्री गोपालप्रसाद रिजालले टिप्पणीकर्ताको भूमीका निर्वाह गर्नुभएको थियो। कार्यपत्रहरुको प्रस्तुतीकरण पश्चात सहभागीहरुलाई तीन समूहमा विभाजन गरी कार्यपत्र उपर छलफल गरी हरेक समूहबाट संक्षिप्त प्रस्तुती भएको थियो र सो छलफलको सहजीकरण माननीय महान्यायाधिवक्ताले गर्नुभएको थियो। माननीय महान्यायाधिवक्ता श्री दिनमणी पोखरेलको संक्षिप्त मन्तव्य पश्चचात अन्त्यमा वरिष्ठतम् नायब महान्यायाधिवक्ता श्री विश्वराज कोइरालाबाट कार्यक्रमको समापन भएको थियो।

संलग्न जोडिएका विवरणहरु