कारागार, बाल सुधार गृह एवं हिरासत अनुगमनका प्रतिवेदन उपर छलफल कार्यक्रम सम्पन्न ।

samachar

2077-6-10

आज मिति 20७७ साल असोज महिना ९ गते शुक्रबार महान्यायाधिवक्ताको कार्यालयबाट नियमित हुने कारागार, बाल सुधार गृह एवं हिरासत कक्ष अनुगमनका अतिरिक्त कोभिड-१९ ले पारेको प्रभावका बारेमा केन्द्रित भई विशेष अनुगमन गरी तयार पारिएको प्रतिवेदन उपर सरोकारवाला निकायका प्रतिनिधिहरुसँगको छलफल कार्यक्रम  सम्पन्न भएको छ । देशभरका विभिन्न कारागारहरु एवम् बाल सुधार गृह र हिरासत कक्षको अनुगमन गरी विभिन्न १७ वटा टोलीले प्रस्तुत गरेको अनुगमन प्रतिवेदनलाई एकीकृत गरी उक्त प्रतिवेदन तयार पारिएको हो ।

उक्त कार्यक्रममा माननीय महान्यायाधिवक्ता श्री अग्नि प्रसाद खरेलज्यू, नायब महान्यायाधिवक्ताज्यूहरु, महान्यायाधिवक्ताको कार्यालयका सहन्यायाधिवक्ताज्यूहरु, अनुगमनमा संलग्न हुनु भएका उच्च सरकारी वकील कार्यालयका सहन्यायाधिवक्ताज्यूहरु तथा सरकारी वकीलज्यूहरु, प्रधानमन्त्री तथा मन्त्रिपरिषद्को कार्यालयका प्रतिनिधिज्यू, गृह मन्त्रालयका प्रतिनिधिज्यू, राष्ट्रिय मानव अधिकार आयोगका प्रतिनिधिज्यू, कानून मन्त्रालयका प्रतिनिधिज्यू, प्रहरी प्रधान कार्यालयका प्रतिनिधिज्यू, नेपाल वार एसोसिएशनका प्रतिनिधिज्यू, कारागार व्यवस्थापन विभागका प्रतिनिधिज्यू, राष्ट्रिय निकुन्ज तथा वन्यजन्तु संरक्षण विभागका प्रतिनिधिज्यू, संस्थागत सुधार मार्फत न्यायमा पहुँच अभिबृद्धि परियोजनाका प्रतिनिधिज्यू तथा अन्य सरोकारवाला निकायका प्रतिनिधिज्यूहरुको उपस्थिति थियो ।

कार्यक्रममा मानव अधिकार संरक्षण विभागका सहन्यायाधिवक्ता श्री हरी प्रसाद जोशीज्यूले १७ वटा टोलीले बिभिन्न कारागार बाल सुधार गृह एवं हिरासत कक्षको अनुगमन गरी तयार पारिएको प्रतिवेदनको सारांश बारेमा प्रस्तुति गर्नुभएको थियो । प्रस्तुत भएको प्रतिवेदन उपर सरोकारवाला निकायका प्रतिनिधिज्यूहरु बीच  छलफल तथा अन्तरक्रिया भएको थियो । उक्त कार्यक्रममा राष्ट्रिय मानव अधिकार आयोगका निर्देशक श्री मुरारी प्रसाद खरेलज्यू, कारागार व्यवस्थापन विभागका महानिर्देशक श्री द्रोण पोख्रेलज्यू, प्रहरी बरिष्ठ उपरीक्षक श्री केदार ढकालज्यू, यूएनडिपी नेपालका पोर्टफोलियो म्यानेजर श्री टेक टमाटाज्यू, अधिवक्ता श्री राजु चापागाँइज्यू, अधिवक्ता श्री अजय शंकर झाज्यू, बरिष्ठ अधिवक्ता श्री प्रकाशमणि शर्माज्यू र संस्थागत सुधार मार्फत न्यायमा पहुँच अभिबृद्धि परियोजनाका प्रतिनिधि श्री रत्न श्रेष्ठज्यूले प्रतिवेदन उपर आफ्नो मन्तव्य तथा टिप्पणी राख्नु भएको थियो ।

माननीय महान्यायाधिवक्ता श्री अग्नि प्रसाद खरेलज्यूले उक्त कार्यक्रको सम्बोधन सहित कार्यक्रमको समापन गर्नुभएको थियो । माननीय महान्यायाधिवक्ताज्यूले यस पटकको कारागार, बाल सुधार गृह एवं हिरासत कक्ष अनुगमन कोभिड-१९ को सन्दर्भमा विशेष रहेको जानकारी गराउनु भयो । आवश्यक अथवा गम्भीर मुद्दाको अवस्थामा मात्र थुनामा राख्नु पर्ने अभ्यास प्रारम्भ गरी फौजदारी न्याय प्रशासनलाई टेवा पुर्याउने र विशेषगरीः कोभिड-१९ को जस्तो विश्वव्यापी महामारीको अवस्थामा यसको महत्व हुने उहाँको धारणा थियो । कोभिड-१९ को सन्दर्भमा देखिएको कारागार, बाल सुधार गृह एवं हिरासत कक्ष व्यवस्थापनमा सरकारको अग्रसरताको बारेमा समेत उहाँले समीक्षा गर्नु भएको थियो । उहाँले कारागार, बाल सुधार गृह एवं हिरासत कक्षको अवस्था सुधार गर्न तथा सुधारात्मक प्रणालीलाई कार्यान्वयनमा ल्याउनका लागि सबै पक्षको क्रियाशीलता आवश्यक रहेको बताउँदै आआफ्नो क्षेत्रबाट रचनात्मक योगदान गर्न आह्वान समेत गर्नुभयो ।

कार्यक्रममा ४० जनाको सहभागिता रहेको थियो । कार्यक्रमको संचालन सहायक न्यायाधिवक्ता श्री आश्मा खड्काले गर्नु भएको थियो ।


संलग्न जोडिएका विवरणहरु

No Attachments
सूचना

रा.प.तृतीय श्रेणीमा बढुवा हुनु भएका सरकारी वकीलका लागि अभियोजन र बहस पैरवी सँग सम्बन्धित विषयमा ८ दिवसीय तालिम कार्यक्रममा मनोनयन गरिएको सम्बन्धमा ।


अभियोगपत्र वेभसाईट (Website) मा अपलोड गर्ने सम्बन्धमा ।


Prosecution Journal - Call for Paper


प्रतिनिधि सभा विघटन सम्बन्धी सर्वोच्च अदालत, संवैधानिक इजलासमा प्रस्तुत गरिएको बहसनोट ।


प्रतिनिधि सभा विघटन सम्बन्धी प्रधानमन्त्री कार्यालयको लिखित जवाफ ।


प्रतिनिधिसभा विघटन सम्बन्धी राष्ट्रपतिको कार्यालयको लिखित जवाफ ।


प्रतिनिधिसभा विघटन सम्बन्धी सर्वोच्च अदालतमा (रिट नं.WC-0071) पेश भएको लिखित जवाफ ।


जनस्वास्थ्य सेवा ऐन, २०७५ को प्रयोजनार्थ सहायक प्रमुख जिल्ला अधिकारीलाई अनुसन्धान र तहकिकात गर्ने अधिकारी तोकेको सूचना


कालो बजार तथा केही अन्य सामाजिक अपराध तथा सजाय ऐन २०३२ अनुसार मुद्धा दायर गर्न जिल्ला सरकारी अधिवक्तालाई तोकेको सम्बन्धी राजपत्रमा प्रकाशित सूचना।


अनुसन्धान समिति गठन भएको सम्बन्धमा ।


समाचार

माननीय महान्यायाधिवक्ताज्यूद्धारा तेस्रो पञ्चवर्षीय रणनीतिक योजनाको सम्बन्धमा विद्युतिय माध्यमबाट सरकारी वकीलहरूलाई सम्बोधन ।


नवनियुक्त माननीय महान्यायाधिवक्ता श्री खम्मबहादुर खातीद्वारा पदवहाली ।


माननीय महान्यायाधिवक्ताज्यूबाट कारागार कार्यालय धुलिखेल, काभ्रेपलाञ्चोकलाई २०७८ असार २१ गते पुस्तक हस्तान्तरण ।


महान्यायाधिवक्ताको कार्यालयको तेस्रो पञ्चवर्षीय रणनीतिक योजना (२०७८।०७९-२०८२।०८३) को सार्वजनिक ।


महान्यायाधिवक्ताको कार्यालयको तेस्रो पञ्चवर्षीय रणनीतिक योजना स्वीकृत सम्बन्धमा ।


मुख्य न्यायाधिवक्तासँगको राष्ट्रिय कार्याशाला सम्पन्न


सूचना प्रविधि सम्बन्धी तालिम सुरू


सरकारी वकील र प्रहरी अनुसन्धान अधिकृतका लागि आयोजित बाल न्याय सम्बन्धी तीन दिवसीय प्रशिक्षण कार्यक्रम २०७७ चैत्र २६ गते सम्पन्न ।


रा.प. द्वितीय श्रेणीका सरकारी वकीलहरूका लागि आयोजित एक हप्ते प्रशिक्षण कार्यक्रम २०७७ चैत्र २३ गते सम्पन्न ।


राजपत्रांकित द्धितिय श्रेणीका सरकारी वकीलका लागि आधारभूत प्रशिक्षण कार्यक्रमको समुद्घाटन ।