सरकारी वकीलहरुको चौथो राष्टिय सम्मेलन २०७९ घोषणापत्र जारी गर्दै समापन ।

samachar

2079-9-11

२०७९ साल पौष ८ गते देखि १० गतेसम्म काठमाडौंमा भएको सरकारी वकीलहरुको चौथो राष्टिय सम्मेलन १५ बुँदे घोषणापत्र जारी गर्दै समापन भएको छ।समापन समारोहमा विशेष अतिथि सर्वोच्च अदालतका माननीय न्यायाधीश श्री ईश्वरप्रसाद खतिवडाले सम्बोधन गर्दै फौजदारी न्याय प्रणालीलाई प्रभावकारी बनाउने र कानूनी शासन कायम गर्ने कार्यमा सरकारी वकील संगठनको महत्वपूर्ण जिम्मेवारी रहेको बताउनु भयो।संहिता कानूनको कार्यान्वयनमा सरकारी वकीलले जिम्मेवारीपूर्वक काम गर्नुपर्ने उल्लेख गर्नुभयो।सम्मेलनले पारित गरेका घोषणापत्रको कार्यान्वयनमा न्यायालयले समेत सहयोग गर्ने बताउनु भयो।फौजदारी कानूनको कार्यान्वयनमा आइरहेका कठिनाई सम्बोधनमा सरकारको ध्यान जानुपर्ने पनि उहाँले सो अवसरमा उल्लेख गर्नुभयो।सम्मेलनको समापन समारोहमा नेपाल बार एशोसियसनका महासचिव श्री अन्जिता खनालले समेत सम्बोधन गर्नु भएको थियो।

समापन समारोह माननीय महान्यायाधिवक्ता श्री खम्म बहादुर खातीको अध्यक्षतामा भएको थियो।महान्यायाधिवक्ता खम्म बहादुर खातीले समापन समारोहलाई सम्बोधन गर्दै सरकारी वकीलको सेवा शर्त सुबिधा सम्बन्धी कानून तर्जुमा गर्न आवश्यक रहेको र यसका लागि सबैको प्रयास आवश्यक रहेको बताउनु भयो।सम्मेलनले पारित गरेको घोषणापत्रमा समावेश भएका विषयहरु महत्वपूर्ण रहेको समेत उहाँले बताउनु भएको थियो।

सम्मेलनमा विभिन्न चार वटा विषयमा कार्यपत्र प्रस्तुत भएका र सहभागिहरु बीच छलफल भै समूहगत रुपमा निष्कर्षहरु प्रस्तुत भएको थियो। सोही आधारमा १५ बुँदे घोषणापत्र पारित गरिएको थियो।समापन समारोहमा उत्कृष्ट कार्य गर्ने पाँच जना सरकारी वकील र पाँच जना कर्मचारीलाई विशेष अतिथि माननीय न्यायाधीश श्री ईश्वरप्रसाद खतिवडाले पुरस्कार प्रदान गर्नु भयो। पुरस्कृत हुने सरकारी वकीलहरुमा विशेष सरकारी वकील कार्यालयका उपन्यायाधिवक्ता श्री उर्मिला दाहाल उच्च सरकारी वकील कार्यालय , पाटनका उपन्यायाधिवक्ता श्री दिनेश कुमार रेग्मी , जिल्ला सरकारी वकील कार्यालय , अर्घाखाँचीका जिल्ला न्यायाधिवक्ता श्री श्यामसुन्दर चौधरी , महान्यायाधिवक्ताको कार्यालयका उपन्यायाधिवक्ता श्री पुष्पराज बास्तोला र उच्च सरकारी वकील कार्यालय , तुलसीपूरका सहायक न्यायाधिवक्ता श्री टिका कुमारी केसी हुनुहुन्छ भने कर्मचारीहरुमा जिल्ला सरकारी वकील कार्यालय, मोरङका नायव सुव्वा श्री घनेन्द्र राय क्षेत्री जिल्ला सरकारी वकील कार्यालय, कैलालीका नायव सुव्वा श्री ईश्वर कुमार आग्री, उच्च सरकारी वकील कार्यालय , पोखराका नायव सुव्वा श्री सबिना सुनम रसायली , महान्यायाधिवक्ताको कार्यालयका नायव सुव्वा सिन्धु पंज्ञानी र उच्च सरकारी वकील कार्यालय ,जनकपूरका हलुका सवारी चालक श्री लक्ष्मी साह हलुवाई हुनुहुन्छ।यस बर्षको सर्वोत्कृष्ट बर्ष सरकारी वकीलको पुरस्कार सहन्यायाधिवक्ता श्री गोपाल प्रसाद रिजालले प्राप्त गर्नु भएको छ।उहाँलाई उद्घाटन समारोहमा सो पुरस्कार प्रमुख अतिथि सम्माननीय प्रधानमन्त्री श्री शेर बहादुर देउवाले प्रदान गर्नु भएको थियो।समापन समारोहमा पर्यबेक्षकका तर्फबाट प्रहरी बरिष्ठ उपरीक्षक श्री यज्ञ विनोद पोखरेल र सहभागी सरकारी वकीलका तर्फबाट सहायक जिल्ला न्यायाधिवक्ता श्री सिमा यादव र जिल्ला न्यायाधिवक्ता श्री देवेन्द्रराज आचार्यले मन्तव्य राख्नु भएको थियो।समापन कार्यक्रमको संचालन उपन्यायाधिवक्ता श्री हरिशंकर ज्ञवालीले गर्नु भएको थियो।


संलग्न जोडिएका विवरणहरु

No Attachments
सूचना

वैदशिक अध्ययन/तालिम छात्रवृत्तिमा मनोनयन गर्ने सम्बन्धमा ।


विशेष आर्थिक सुविधा जानकारी सम्बन्धमा ।


China/MOFCOM Scholarship मा मनोनयन गर्ने सम्बन्धमा ।


सम्पत्ति शुद्धीकरण निवारण तथा अन्य केही ऐनलाई संशोधन गर्न बनेको ऐन, २०८० ।


सुझाव पेस गर्ने सम्बन्धी सुचना ।


प्रोवेशन तथा प्यारोल सम्बन्धी नीति, २०८० सम्बन्धमा ।


फौजदारी कसूर (सजाय निर्धारण तथा कार्यान्वयन) ऐन, २०७४ को दफा ३८ बमोजिम गठीत संघिय प्रोेवेशन तथा प्यारोल बोर्डमा रहनु भएका पदाधिकारीहरुको विवरण


कैदीलाई प्रोवेशन तथा प्यारोलमा राख्ने मापदण्ड तथा प्रोवेशन तथा प्यारोलमा छुट्ने कसूरदारले पालना गर्नुपर्नै मापदण्ड तथा शर्तहरु, २०८०


वैदेशिक अध्ययन/तालिम छात्रवृृ्र्तिमा मनोनयन गर्ने सम्वन्धमा


सेवा विस्तारको जानकारी सम्बन्धमा ।


समाचार

नेपाल र भारतका महान्यायाधिवक्ताबीच शिष्टाचार भेट वार्ता ।


आर्थिक वर्ष २०७९।८० को वार्षिक प्रतिवेदनको सारसंक्षेप ।


भारतका लागि विद्धान महान्यायावादी श्री आर. भेङ्कटारमनीको उपस्थितिमा अन्तरक्रिया कार्यक्रम सञ्चालन ।


केन्द्रिय कारागार कार्यालय, जगन्नाथदेवलमा Smart TV हस्तान्तरण गर्दै ।


विधि विज्ञान विज्ञहरुसँग छलफल कार्यक्रम ।


लैङ्गिक हिंसाको सन्दर्भमा अनुसन्धान र अभियोजनमा अनुसन्धानकर्ता प्रहरी, अभियोजनकर्ता सरकारी वकील र न्याय सम्पादनमा संलग्न अधिकारी बीचको अन्तरक्रिया कार्यक्रम ।


बाल न्याय तथा दिशान्तरको सन्दर्भमा प्रादेशिक अन्तरक्रिया कार्यक्रम ।


सजायमा छुट दिने मागदावी सम्बन्धी निर्देशिका, २०८० कार्यान्वयन सम्बन्धी छलफल कार्यक्रम ।


बधाई ज्ञापन सहित सफल कार्यकालको शुभकामना सहितको बिदाई कार्यक्रम ।


काठमाण्डौ जिल्लाका माननीय जिल्ला न्यायाधीशहरु, सरकारी वकीलहरु र बारका पदाधिकारीहरु वीचको अपराध अनुसन्धान र अभियोजनमा सुधार सम्बन्धी छलफल तथा अन्तरक्रिया कार्यक्रम ।