मुख्य न्यायाधिवक्ताको काम, कारवाही एवम् महान्यायाधिवक्ताको कार्यालयसँगको अन्तरसम्बन्ध विषयक चौंथो राष्ट्रिय कार्यशाला सम्पन्न ।

samachar

2078-7-29

मिति २०७८|०७|२६ र २७ गते चितवनको सौराहामा मुख्य न्यायाधिवक्ताको काम, कारवाही एवम् महान्यायाधिवक्ताको कार्यालयसँगको अन्तरसम्बन्ध विषयक चौंथो राष्ट्रिय कार्यशाला सम्पन्न भएको   छ। 

मिति २०७८।०७।२६ गते शुक्रबार प्रमुख अतिथि माननीय महान्यायाधिवक्ता श्री खम्मबहादुर खातीबाट पानसमा बत्ती बाली समुद्घाटन गरिएको सो कार्यशालाको अध्यक्षता वरिष्ठतम नायब महान्यायाधिवक्ता श्री कृष्णजीवी घिमिरेले गर्नुभएको थियो।नायब महान्यायाधिवक्ता श्री विश्वराज कोइरालाले कार्यशालाको उद्देश्य माथि प्रकाश पार्दै अतिथिहरुलाई स्वागत गर्नुभएको थियो । 

 कार्यशालामा मुख्य न्यायाधिवक्ताको कार्य सम्पादनको अवस्था विषयमा लुम्बीनी प्रदेशका मुख्य न्यायाधिवक्ता श्री श्रीकृष्ण सुवेदी र महान्यायाधिवक्ताको कार्यालयको तेस्रो पञ्चवर्षीय रणनीतिक योजना र मुख्य न्यायाधिवक्ताको कार्यालयसँगको समन्वय र सहकार्य विषयमा  सहन्यायाधिवक्ता  श्री संजीवराज रेग्मीले कार्यपत्र प्रस्तुत गर्नु भएको थियो ।

दुवै कार्यपत्र प्रस्तुत भैसकेपश्चात छलफल सत्रमा नायब महान्यायाधिवक्ता श्री पद्मप्रसाद पाण्डेय, प्रदेश नं २ का मुख्य न्यायाधिवक्ता श्री दिपेन्द्र झागण्डकी प्रदेशका मुख्य न्यायाधिवक्ता श्री रोहित राज बाँस्तोला र सुदुरपश्चिम प्रदेशका मुख्यन्यायाधिवक्ता श्री कुलानन्द उपाध्याय तथा मुख्य न्यायाधिवक्ताको कार्यालयमा कार्यरत उपन्यायाधिवक्ताहरु श्री कृष्णबटु भण्डारी, श्री द्रोणप्रसाद पौडेल र श्री सूर्यप्रसाद पौडेलले कार्यपत्रमा उठेका विषयवस्तुहरु उपर आफ्नो धारणा राख्नुभएको थियो। तत्पश्चात कार्यपत्रप्रस्तुतकर्ताहरुले केही जिज्ञासाको सम्बोधन गर्नुभएको थियो।

कार्यशालाको समापनको क्रममा बोल्दै माननीय महान्यायाधिवक्ता श्री खम्म बहादुर खातीले महान्यायाधिवक्ताको कार्यालयले विगतदेखि नै मुख्य न्यायाधिवक्ता र मुख्य न्यायाधिवक्ताको कार्यालयलाई महत्वका साथ समन्वय र सहकार्य गर्दै आइरहेको छ। सो क्रमको निरन्तरतास्वरुप आज चौथो राष्ट्रिय कार्यशालाको आयोजना गरिएको हो।यसलाई सदैव निरन्तरता दिनुपर्छ। यस कार्यशालामा हामीले एकअर्कालाइ दोषारोपण गर्दै विवादका लागि विवाद गरेनौं, निकासका लागि छलफल गर्‌यौं ।केही अस्पष्टताहरु अझैपनि छन त्यसलाई स्पष्ट पार्न महान्यायाधिवक्ताको कार्यालयबाट साझा धारणा बनाएर मुख्य न्यायाधिवक्ताको कार्यालयहरुमा जानकारी सम्प्रेषण गरिनेछ।हामी समन्वय र सहकार्यबाट अगाडि बढ्ने नै हो। यस किसिमका कार्यक्रमहरु मुख्य न्यायाधिवक्ताको कार्यालयबाट पनि आयोजना गर्नुहोस महान्यायाधिवक्ताको कार्यलय सदैव समन्वयका लागि तयार रहेको स्पष्ट समेत पार्नुभयो ।

कार्यशालाको समापन गर्दै वरिष्ठतम नायब महान्यायाधिवक्ता श्री कृष्णजीवी घिमिरेले मुख्य न्यायाधिवक्ताहरुसँग कर्मचारी दरबन्दी र सरुवाको सन्दर्भमा परामर्श भएको छ ।हामी पनि त्यस कार्यालयमा दरबन्दी अनुरुपका नै सरकारी वकील पठाउन उद्दत त छौं तर  हाम्रो कार्यालयमा सरकारी वकीलको संख्या  कति छन भन्ने कुरा यहाँहरुले पनि बुझिदिनुपर्छ।तरपनि हामीले सकेसम्म दरबन्दी रिक्त नहुन भरमग्दुर प्रयासमा नै रहेका छौं ।यस कार्यशालाले प्रदेश अन्तरगत रहेको मुख्य न्यायाधिवक्ताको कार्यालय हरुलाई संघीय निकायसँग र संघ अन्तरगतको महान्यायाधिवक्ताको कार्यालयलाई मुख्य न्यायाधिवक्ताको कार्यालयसँग आफ्ना विषयवस्तुहरु राख्नका लागि पनि space प्रदान गरेको छ।कार्यशाला सफल रुपमा सम्पन्न हुँदैछ। दुवै कार्यालयका बिचमा समन्वय रहिआएको र सोक्रमलाई आगामी दिनमा समेत निरन्तरता दिनुपर्नेमा जोड दिनुभएको थियो।

उक्त कार्यशालामा  महान्यायाधिवक्ताको कार्यालयका नायब महान्यायाधिवक्ता, चारवटा प्रदेशका मुख्य न्यायाधिवक्ता सहन्यायाधिवक्ता, महान्यायाधिवक्ताको कार्यालयका उपन्यायाधिवक्ता मुख्य न्यायाधिवक्ताको कार्यालयमा कार्यरत उपन्यायाधिवक्ता तथा अन्य सरकारी वकील एवम् कर्मचारीहरु समेत ३० जनाको उपस्थिति रहेको थियो ।

सो कार्यक्रमको सञ्चालन सहन्यायाधिवक्ता श्री गोपालप्रसाद रिजालले गर्नुभएको थियो ।


संलग्न जोडिएका विवरणहरु

No Attachments
सूचना

मिति २०७९।०४।२६ गते वरिष्ठतम् नायब महान्यायाधिवक्ता श्री कृष्णजीवी घिमिरेज्यूद्वारा मातहतका कार्यालयलाई दिनुभएको निर्देशन।


उच्च अदालतका न्यायाधिशको पदमा पदपूर्ति सम्वन्धी सूचना


महान्यायाधिवक्ताको कार्यालयको तेस्रो पञ्वर्षीय रणनीतिक योजना कार्यान्वयनको वार्षिक कार्य योजना २०७९/८०


निजामती कर्मचारीको सामुहिक दुर्घटना बीमा सम्बन्धमा


जिल्ला न्यायाधीश नियुक्ति सम्बन्धमा ।


मुलुकी फौजदारी कार्यविधि (संहिता) सम्बन्धि परिपत्र


पीडितको हक कार्यान्वयन सम्बन्धमा


वैैदेशिक अध्ययन/ छात्रवृत्तिमा मनोनयन सम्बन्धमा।


परिमार्जित मुद्दा दायरी रजिष्टर प्रयोग गर्ने सम्बन्धमा ।


मिति २०७४।०९।२४ गते नेपाल राजपत्रमा प्रकाशित वाणिज्य इजलास गठन र क्षेत्राधिकार सम्बन्धी सूचना ।


समाचार

आ.व. २०७७/७८ को महान्यायाधिवक्ताको बार्षिक प्रतिवेदन


स्थापना दिवस कार्यक्रम सम्बन्धी ।


जनकपूरमा सरकारी वकीलहरुको राष्टिय कार्य समीक्षा कार्यक्रम ।


मुख्य न्यायाधिवक्ताको काम, कारवाही एवम् महान्यायाधिवक्ताको कार्यालयसँगको अन्तरसम्बन्ध विषयक चौंथो राष्ट्रिय कार्यशाला सम्पन्न ।


नवोदित सरकारी वकीलहरूको लागि आयोजित ८ दिवसीय प्रशिक्षण कार्यक्रमको समुद्‌घाटन ।


माननीय महान्यायाधिवक्ताज्यूद्धारा तेस्रो पञ्चवर्षीय रणनीतिक योजनाको सम्बन्धमा विद्युतिय माध्यमबाट सरकारी वकीलहरूलाई सम्बोधन ।


नवनियुक्त माननीय महान्यायाधिवक्ता श्री खम्मबहादुर खातीद्वारा पदवहाली ।


माननीय महान्यायाधिवक्ताज्यूबाट कारागार कार्यालय धुलिखेल, काभ्रेपलाञ्चोकलाई २०७८ असार २१ गते पुस्तक हस्तान्तरण ।


महान्यायाधिवक्ताको कार्यालयको तेस्रो पञ्चवर्षीय रणनीतिक योजना (२०७८।०७९-२०८२।०८३) को सार्वजनिक ।


महान्यायाधिवक्ताको कार्यालयको तेस्रो पञ्चवर्षीय रणनीतिक योजना स्वीकृत सम्बन्धमा ।