अभियोजन तथा पुनरावेदन/निवेदन पत्र सम्बन्धी अभिमुखिकरण कार्यक्रम ।

महान्यायाधिवक्ताको कार्यालयले चालु आ.व. २०७७/७८ लाई अभियोजन सुधार बर्षको रुपमा मनाउने  घोषणा गरे सँगै नेपाल सरकार वादी भई चल्ने मुद्दाहरुमा थप सफलता प्राप्त गर्ने उद्देश्य अनुरुप अभियोजन तथा पुनरावेदन / निवेदन पत्र सम्बन्धी अभिमुखिकरण कार्यक्रम आयोजना गरिएको छ ।

उच्च सरकारी वकील कार्यालय जुम्लाको आयोजनामा प्रदेश नं. ६ र प्रदेश नं. ७ का सरकारी वकीलहरुलाई लक्षित गरी अभियोजन तथा पुनरावेदन / निवेदन पत्र सम्बन्धी अभिमुखिकरण कार्यक्रम मिति २०७७ भाद्र १० गते देखि २०७७ भाद्र १२ गते सम्म सञ्चालन भयो । जुम सफ्टवेयर मार्फत सञ्चालन भएको उक्त तलिम कार्यक्रमको समुद्घाटन बरिष्टतम नायब महान्यायाधिवक्ता श्री पद्म प्रसाद पाण्डेयज्यूले गर्नु भएको थियो भने समापन उच्च सरकारी वकील कार्यालय महेन्द्रनगरका प्रमुख सहन्यायाधिवक्ता श्री चिरञ्जिवि पराजुलीले गर्नु भएको थियो । तलिममा ३४ जना सरकारी वकीलहरुको सहभागिता रहेको थियो ।

त्यसै गरी उच्च सरकारी वकील कार्यालय पाटनको आयोजनामा वागमती प्रदेशका सरकारी वकीलहरुलाई लक्षित गरी अभियोजन तथा पुनरावेदन / निवेदन पत्र सम्बन्धी अभिमुखिकरण कार्यक्रम मिति २०७७ भाद्र १७ गते देखि शुरु भयो । जुम सफ्टवेयर मार्फत सञ्चालन भएको उक्त तलिमको समुद्घाटन माननीय महान्यायाधिवक्ताज्यूले गर्नुभयो । तिन दिन सम्म चल्ने सो तलिममा ६० जना सरकारी वकीलहरुको सहभागिता रहेको छ ।

उच्च सरकारी वकील कार्यालय ओखलढुङ्गाको आयोजनामा प्रदेश नं.१ का विभिन्न सरकारी वकील कार्यालयका सरकारी वकीलहरु र प्रदेश नं. १ को मुख्य न्यायाधिवक्ताको कार्यालयमा कार्यरत सरकारी वकीलहरुलाई लक्षित गरी अभियोजन तथा पुनरावेदन पत्र सम्बन्धी अभिमुखिकरण कार्यक्रम मिति २०७७ भाद्र १७ गते देखि शुरु भयो ।उक्त तालिम कार्यक्रमलाई बरिष्टतम नायब महान्यायाधिवक्ता श्री पद्म प्रसाद पाण्डेयज्यूले समुद्घाटन गर्नुभयो ।तालिममा ४२ जना सरकारी वकीलको सहभगिता रहेको छ ।

यसका अतिरिक्त उच्च सरकारी वकील कार्यालय बुटवलको आयोजनामा प्रदेश नं.५ का सरकारी वकीलहरु र उच्च सरकारी वकील कार्यालय बिरगञ्जको आयोजनामा प्रदेश नं.२ का सरकारी वकीलहरुलाई लक्षित गरी अभियोजन तथा पुनरावेदन / निवेदन पत्र सम्बन्धी अभिमुखिकरण कार्यक्रम क्रमश: मिति २०७७ भाद्र २१ र २२ गते देखि शुरु हुँदैछ ।

संलग्न जोडिएका विवरणहरु