समुदायमा सरकारी वकील कार्यक्रम सम्वन्धमा (२०८३।०२।२१)

समुदायमा सरकारी वकील कार्यक्रम सम्पन्न (२०८३।०२।२१)

मिति २०८३।०२।२१ गते बिहीबार समुदायमा सरकारी वकील कार्यक्रम अन्तरगत "सरकारी वकीलको सांगठनिक संरचना र काम, कर्तव्य एवं कानूनका बारेमा जानकारी प्रदान गर्ने" कार्यक्रम अन्तर्गत समुदाय/जनप्रतिनिधिलाई जानकारी गराउने उद्देश्यले रुपन्देही जिल्लाको तिलोत्तमा नगरपालिका वडा नं. ४ स्थित तिलोत्तमा नगरपालिका वडा नं. ४ को कार्यालयमा उच्च सरकारी वकील कार्यालय बुटवलका सहन्यायाधिवक्ता श्री सन्देश श्रेष्ठज्यूको अध्यक्षता, सोही वडाका वडा अध्यक्ष श्री हरि बहादुर क्षेत्रीको प्रमुख आतिथ्यता, पूर्व वडा अध्यक्ष, न्यायीक समिति संयोजक, वडा नं. ४ का जनप्रतिनिधिहरु, बिभिन्न टोल बिकास संस्थाका अध्यक्ष एवं प्रतिनिधिहरु, आमा समूहका अध्यक्ष एवं प्रतिनिधिहरु, मेलमिलाप सहजकर्ताहरु, अस्थायी प्रहरी बिटका प्रहरी इन्चार्ज, वडा नं. ४ का कर्मचारीहरु लगायत कार्यक्रममा सहभागी उच्च सरकारी वकील कार्यालय बुटवलका अन्य कर्मचारीहरु गरी ६७ जनाको उपस्थितिमा उच्च सरकारी वकील कार्यालय बुटवलको आयोजनामा कार्यक्रम भएको थियो ।

उक्त कार्यक्रममा उच्च सरकारी वकील कार्यालय, बुटवलका सहायक न्यायाधिवक्ता श्री गोकर्णराज घिमिरेले "सरकारी वकीलको सांगठनिक संरचना, काम कर्तव्य एवं कानूनी सचेतना" विषयक कार्यपत्र प्रस्तुत गर्नुभएको थियो ।

उक्त कार्यक्रममा सहभागिहरुबाट सरकारी वकील, सरकार वादी मुद्दा, बाल अधिकार, घरेलु हिंसा, बहुविवाह, सम्बन्ध विच्छेद लगायतका बिषयमा उठाईएका जिज्ञासाहरुको उच्च सरकारी वकील कार्यालय बुटवलका सहायक न्यायाधिवक्ता श्री गोकर्णराज घिमिरे र निशुल्क कानूनी सहायता समितिका अधिकृत श्री विष्णु प्रसाद भुसालले उदाहरणहरु सहित जिज्ञासालाई सम्वोधन गर्नु भएको थियो भने सहन्यायाधिवक्ता एवं कार्यक्रमका अध्यक्ष श्री सन्देश श्रेष्ठज्यूले अध्यक्षताको मन्तव्य राख्दै कार्यक्रमलाई सफल बनाउन आ-आफ्नो क्षेत्रबाट सहयोग गर्ने सबै सहयोगी मनहरुलाई धन्यबाद दिनुभएको थियो ।

सो कार्यक्रममा सुनगाभा आमा समूहका अध्यक्ष श्री विमला बगाले, पूर्व वडा अध्यक्ष श्री दिवाकर ढकाल, मेलमिलापकर्ता संयोजक श्री कोस बहादुर बस्नेत, प्रहरी नायव निरीक्षक श्री राकेश कुँवर र कार्यक्रमका प्रमुख अतिथि एवं वडा नं. ४ का वडाअध्यक्ष श्री हरि बहादुर क्षेत्रीज्यूले मन्तव्य राख्नु भएको थियो । उक्त कार्यक्रम उच्च सरकारी वकील कार्यालय बुटवलका कम्प्यूटर अपरेटर श्री बुद्धि पराजुलीले अतिथि एवं सहभागीहरुलाई स्वागत गर्दै कार्यक्रमको औचित्यमाथि प्रकाश पारी कार्यक्रमको सञ्चालन गर्नु भएको थियो ।

संलग्न जोडिएका विवरणहरु