समुदायमा सरकारी वकील कार्यक्रम सम्पन्न...... (२०८२।१२।०४)

मिति २०८२।१२।०४ गते सोमबार समुदायमा सरकारी वकील कार्यक्रम अन्तरगत "सरकारी वकीलको सांगठनिक संरचना र काम, कर्तव्य एवं कानूनका बारेमा जानकारी प्रदान गर्ने" कार्यक्रम अन्तर्गत समुदाय/जनप्रतिनिधिलाई जानकारी गराउने उद्देश्यले रुपन्देही जिल्लाको बुटवल उपमहानगरपालिका वडा नं. ३ स्थित बुटवल उपमहानगरपालिका वडा नं. ३ को कार्यालयमा उच्च सरकारी वकील कार्यालय बुटवलका सहन्यायाधिवक्ता श्री सन्देश श्रेष्ठज्यूको अध्यक्षता, सोही वडाका वडा अध्यक्ष श्री बिष्णु ढकालज्यूको प्रमुख आतिथ्यता, उच्च सरकारी वकील कार्यालय बुटवलका उपन्यायाधिवक्ता श्री खिमानन्द गौतमज्यू, वडा नं. ३ का जनप्रतिनिधिहरु, बिभिन्न टोल बिकास संस्थाका अध्यक्षहरु, आमा समूहका अध्यक्षहरु, मेलमिलाप सहजकर्ताहरु, सामुदायीक प्रहरी, वडा नं. ३ का कर्मचारीहरु लगायत कार्यक्रममा सहभागी उच्च सरकारी वकील कार्यालय बुटवलका अन्य कर्मचारीहरु गरी ४७ जनाको उपस्थितिमा उच्च सरकारी वकील कार्यालय बुटवलको आयोजनामा कार्यक्रम भएको थियो ।

उक्त कार्यक्रममा उच्च सरकारी वकील कार्यालय, बुटवलका सहायक न्यायाधिवक्ता श्री बसन्तराज पोख्रेलज्यूले "सरकारी वकीलको सांगठनिक संरचना, काम कर्तव्य एवं कानूनी सचेतना" विषयक कार्यपत्र प्रस्तुत गर्नुभएको थियो ।

उक्त कार्यक्रममा सहभागिहरुबाट सरकारी वकील, सरकार वादी मुद्दा, बाल अधिकार, घरेलु हिंसा, बहुविवाह, सम्बन्ध विच्छेद लगायतका बिषयमा उठाईएका जिज्ञासाहरुको उच्च सरकारी वकील कार्यालय बुटवलका उप-न्यायाधिवक्ता श्री खिमानन्द गौतम र निशुल्क कानूनी सहायता समितिका अधिकृत श्री विष्णु प्रसाद भुसालज्यूले उदाहरणहरु सहित जिज्ञासालाई सम्वोधन गर्नु भएको थियो भने सहन्यायाधिवक्ता एवं कार्यक्रमका अध्यक्ष श्री सन्देश श्रेष्ठज्यूले अध्यक्षताको मन्तव्य राख्दै कार्यक्रमलाई सफल बनाउन आ-आफ्नो क्षेत्रबाट सहयोग गर्ने सबै सहयोगी मनहरुलाई धन्यबाद दिनुभएको थियो ।

सो कार्यक्रममा रामापिथेकस टोल बिकास संस्थाका अध्यक्ष श्री कमलराज ढुंगाना, मेलमिलापकर्ता संयोजक श्री केशव पन्थी र कार्यक्रमका प्रमुख अतिथि एवं वडा नं. ३ का वडाअध्यक्ष श्री बिष्णु ढकालज्यूले मन्तव्य राख्नु भएको थियो । उक्त कार्यक्रम उच्च सरकारी वकील कार्यालय बुटवलका कम्प्यूटर अपरेटर श्री बुद्धि पराजुलीज्यूले अतिथि एवं सहभागीहरुलाई स्वागत गर्दै कार्यक्रमको औचित्यमाथि प्रकाश पारी कार्यक्रमको सञ्चालन गर्नु भएको थियो ।

संलग्न जोडिएका विवरणहरु