समुदायमा सरकारी वकील कार्यक्रम सम्पन्न...... (२०८२।०१।२६)

मिति २०८२।०१।२६ गते शुक्रबार समुदायमा सरकारी वकील कार्यक्रम अन्तरगत "सरकारी वकीलको सांगठनिक संरचना र काम, कर्तव्य एवं कानूनका बारेमा जानकारी प्रदान गर्ने" कार्यक्रम अन्तर्गत पश्चिम नेपाल बस व्यवसायी प्रा.लि.मा आवद्ब यातायात व्यवसायीहरु, सवारी चालक/सहचालकहरुलाई सवारी ऐन तथा नियमहरुको बारेमा जानकारी गराउने उद्देश्यले रुपन्देही जिल्लाको बुटवल उपमहानगरपालिका वडा नं. ४ स्थित श्री पश्चिम नेपाल बस व्यवसायी प्रा.लि.को सभा हलमा उच्च सरकारी वकील कार्यालय बुटवलका सह-न्यायाधिवक्ता श्री सोमकान्ता भण्डारीज्यूको अध्यक्षता, सोही प्रा.लि.का अध्यक्ष श्री दधिराम खरेलज्यूको विशेष आतिथ्यता, दुर्घटना न्यूनिकरण कार्यक्रम संयोजक श्री नारायण प्रसाद घिमिरेज्यू, लेखा संयोजक श्री मोहन बहादुर पि.एस.ज्यूको आतिथ्यता एवं उच्च सरकारी वकील कार्यालय बुटवलका उप-न्यायाधिवक्ता श्री हरिप्रसाद घिमिरेज्यू, सहायक न्यायाधिवक्ता श्री बसन्तराज पोख्रेलज्यू, राजमार्ग सुरक्षा तथा ट्राफिक व्यवस्थापन कार्यालय लुम्बिनी प्रदेशका प्रहरी निरीक्षक श्री ईश्वरी अधिकारीज्यू, पश्चिम नेपाल बस व्यवसायी प्रा.लि.का सञ्चालकज्यूहरु, पत्रकार श्री हरिष ढकालज्यू, श्री टोपराज शर्माज्यू लगायत कार्यक्रममा सहभागी उच्च सरकारी वकील कार्यालय बुटवलका कर्मचारीहरु गरी १३६ जनाको उपस्थितिमा उच्च सरकारी वकील कार्यालय बुटवलको आयोजनामा कार्यक्रम सम्पन्न भएको  थियो ।

उक्त कार्यक्रममा उच्च सरकारी वकील कार्यालय, बुटवलका सह-न्यायाधिवक्ता श्री सोमकान्ता भण्डारीज्यूले "सरकारी वकीलको सांगठनिक संरचना र काम, कर्तव्य र अधिकार" विषयक कार्यपत्र प्रस्तुत गर्नुभएको थियो भने उ.स.व.का. बुटवलका उप-न्यायाधिवक्ता श्री हरिप्रसाद घिमिरेज्यूले "सवारी चालक, परिचालक लगायत व्यवस्थापकहरुलाई सवारी ऐन तथा नियमावली सम्वन्धी सामान्य जानकारी" विषयक कार्यपत्र प्रस्तुत गर्नुभएको थियो ।त्यस्तै राजमार्ग सुरक्षा तथा ट्राफिक व्यवस्थापन कार्यालय बुटवलका प्रहरी निरीक्षक श्री ईश्वरी अधिकारीज्यूले ट्राफिक सचेतना सम्वन्धी कार्यपत्र प्रस्तुत गर्नुभएको थियो ।

उक्त कार्यक्रममा सहभागिहरुबाट सरकारी वकील, सरकार वादी मुद्दा, ट्राफिक जरिवाना, सवारी ऐन तथा नियमावली सम्वन्धमा उठाईएका जिज्ञासाहरुको उच्च सरकारी वकील कार्यालय बुटवलका सह-न्यायाधिवक्ता श्री सोमकान्ता भण्डारीज्यू एवं प्रहरी निरीक्षक श्री ईश्वरी अधिकारीज्यूले उदाहरणहरु सहित जिज्ञासालाई सम्वोधन गर्नु भएको थियो साथै कार्यक्रम सफल बनाउन आ-आफ्नो क्षेत्रबाट सहयोग गर्ने सबै सहयोगी मनहरुलाई सहन्यायाधिवक्ता श्री सोमकान्ता भण्डारीज्यूले धन्यबाद दिनुभएको थियो ।

सो कार्यक्रममा पश्चिम नेपाल बस व्यवसायी प्रा.लि. दुर्घटना न्यूनिकरण कार्यक्रम संयोजक एवं कार्यक्रमका अतिथि श्री नारायण प्रसाद घिमिरेज्यू,  पश्चिम नेपाल बस व्यवसायी प्रा.लि.का. अध्यक्ष एवं विशेष अतिथि श्री दधिराम खरेलज्यूले मन्तव्य राख्नु भएको थियो । उक्त कार्यक्रममा उ.स.व.का. बुटवलका सहायक न्यायाधिवक्ता श्री बसन्तराज पोख्रेलज्यूले कार्यक्रममा उपस्थित अतिथि लगायत सहभागीहरुलाई स्वागत गर्दै कार्यक्रमको औचित्यमाथि प्रकाश पार्नु भएको थियो भने कार्यक्रमको सञ्चालन कम्प्यूटर अपरेटर श्री बुद्धि पराजुलीले गर्नु भएको थियो ।

संलग्न जोडिएका विवरणहरु