महिला बालबालिका, जनजाती, मधेशी, मुस्लिम, दलित तथा अन्य व्यक्तिसँग सम्बन्धित सरकारवादी मुद्दामा सरकारी वकीलहरुको प्रत्यक्ष सार्वजनिक संवाद कार्यक्रम सम्पन्न..... (२०७९।०२।२९)

samachar

2079-2-30

महिला बालबालिका, जनजाती, मधेशी, मुस्लिम, दलित तथा अन्य व्यक्तिसँग सम्बन्धित सरकारवादी मुद्दामा सरकारी वकीलहरुको प्रत्यक्ष सार्वजनिक संवाद कार्यक्रम सम्पन्न ...... (२०७९।०२।२९)

मिति २०७९।०२।२९ गते आईतबार समुदायमा सरकारी वकील कार्यक्रम अन्तरगत "महिला बालबालिका, जनजाती, मधेशी, मुस्लिम, दलित तथा अन्य व्यक्तिसँग सम्बन्धित सरकारवादी मुद्दामा सरकारी वकीलहरुको प्रत्यक्ष सार्वजनिक संवाद कार्यक्रम" समुदायलाई जानकारी गराउने उद्देश्यले रुपन्देही जिल्लाको बुटवल उपमहानगरपालिका वडा नं. ९ स्थित श्री एशियन पार्टी प्यालेसको सभाहलमा उच्च सरकारी वकील कार्यालय बुटवलका सहन्यायाधिवक्ता श्री मोहन सागर बश्यालज्यूको अध्यक्षता, महान्यायाधिवक्ताको कार्यालय काठमाडौंका सह-न्यायाधिवक्ता श्री सुर्यराज दाहालज्यूको प्रमुख आतिथ्यता, उच्च सरकारी वकील कार्यालय बुटवलका उप-न्यायाधिवक्ता श्री बिष्णु प्रसाद आचार्यज्यू, जिल्ला सरकारी वकील कार्यालय रुपन्देहीका जिल्ला न्यायाधिवक्ता श्री देवेन्द्रराज आचार्यज्यू, जिल्ला सरकारी वकील कार्यालय, नवलपरासी बर्दघाट सुस्ता पश्चिमका जिल्ला न्यायाधिवक्ता श्री चन्द्र बहादुर सिंजालीज्यू, मानवअधिकारकर्मी एवं पत्रकार रिमा वि.सी. ज्यूको आतिथ्यता, उच्च सरकारी वकील कार्यालय, बुटवलका सहायक न्यायाधिवक्ताज्यूहरु, जिल्ला सरकारी वकील कार्यालय रुपन्देहीका सहायक जिल्ला न्यायाधिवक्ताज्यूहरु, उच्च सरकारी वकील कार्यालय तथा जिल्ला सरकारी वकील कार्यालयका कर्मचारीज्यूहरु, अधिवक्ताज्यूहरु, मानवअधिकार कर्मीज्यूहरु, महिला बालबालिका, जेष्ठ नागरिक, जनजाती, मधेशी, मुस्लिम, दलित तथा अन्य व्यक्तिहरु, विद्यार्थी भाईबहिनीहरु, विभिन्न समुदाय, क्षेत्र विशेष एवं लक्षित बर्ग एवं पत्रकारहरु गरी जम्मा १३४ (एकसय चौतिस) जनाको उपस्थितिमा महान्यायाधिवक्ताको कार्यालय काठमाडौंको आयोजना एवं उच्च सरकारी वकील कार्यालय बुटवलको संयोजनमा कार्यक्रम सम्पन्न भएको  थियो ।

उक्त कार्यक्रममा उच्च सरकारी वकील कार्यालय, बुटवलका सह-न्यायाधिवक्ता श्री मोहन सागर बश्यालज्यूले "महिला बालबालिका संलग्न मुद्दा र सरकारी वकीलको भूमिका" विषयक पहिलो कार्यपत्र प्रस्तुत गर्नुभएको थियो । त्यस्तै उक्त कार्यक्रममा कार्यक्रमका प्रमुख अतिथि एवं महान्यायाधिवक्ताको कार्यालय काठमाडौंका सहन्यायाधिवक्ता श्री सुर्यराज दाहालज्यूले "महिला बालबालिका, जेष्ठ नागरिक, मुस्लिम, दलित संलग्न भएका मुद्दाको अनुसन्धानमा सरकारी वकीलको भूमिका" विषयक दोस्रो कार्यपत्र प्रस्तुत गर्नुभएको थियो ।  करीव १६ जना सहभागिहरुबाट महिला बालबालिका, जेष्ठ नागरिक, मुस्लिम, दलित सम्बन्धित सरकारवादी  मुद्दा सम्वन्धमा उठाईएका जिज्ञासाहरुको महान्यायाधिवक्ताको कार्यालय काठमाडौंका सह-न्यायाधिवक्‍ता श्री सुर्यराज दाहालज्यू एवं उच्च सरकारी वकील कार्यालय बुटवलका सह-न्यायाधिवक्ता श्री मोहन सागर बश्यालज्यूले विभिन्न रोचक उदाहरणहरु सहित जिज्ञासाहरुको सम्वोधन गर्नु भएको थियो साथै कार्यक्रम सफल बनाउन आ-आफ्नो क्षेत्रबाट सहयोग गर्ने सबै सहयोगी मनहरुलाई धन्यबाद दिनुभएको थियो ।

सो कार्यक्रममा सहभागीहरुको तर्फबाट श्री लक्ष्मी अधिकारी, कार्यक्रमका अतिथि मानवअधिकारकर्मी एवं पत्रकार श्री रिमा बि.सी. र जिल्ला सरकारी वकील कार्यालय नवलपरासी बर्दघाट सुस्ता पश्चिमका जिल्ला न्यायाधिवक्ता श्री चन्द्र बहादुर सिंजालीज्यूले मन्तव्य राख्नु भएको थियो । उक्त कार्यक्रममा जिल्ला सरकारी वकील कार्यालय रुपन्देहीका जिल्ला न्यायाधिवक्ता श्री देवेन्द्रराज आचार्यज्यूले सहभागीहरुलाई स्वागत गर्दै कार्यक्रमको औचित्यमाथि प्रकाश पार्नु भएको थियो भने कार्यक्रमको सञ्चालन उच्च सरकारी वकील कार्यालय बुटवलका कम्प्यूटर अपरेटर श्री बुद्धि पराजुलीले गर्नुभएको थियो ।


संलग्न जोडिएका विवरणहरु

No Attachments
सूचना

मिति २०७९।०३।३१ गते महान्यायाधिवक्ताको कार्यालय, व्यवस्थापन समितिबाट स्वीकृत भएको वार्षिक कार्ययोजना ०७९।०८० ..(सबै उच्च सरकारी वकील कार्यालयहरुको लागी)


यस कार्यालयको योजना कार्यान्वयन समितिको मिति २०७९।०३।३० गते बसेको बैठकबाट आवश्यक परिमार्जन सहित स्वीकृती भएको मातहत जिल्ला सरकारी वकील कार्यालयहरु (रुपन्देही, नवलपरासी ब.सु.प., कपिलबस्तु, अर्घाखाँची, गुल्मी र पाल्पा) को आ.व. ०७९।०८० को वार्षिक कार्ययोजना


कार्यालयको कार्यसम्पादन प्रतिवेदन फाराम Citizen Report Card


कार्यविवरण तोकिएको सम्वन्धमा (सहायक न्यायाधिवक्ता श्री बसन्तराज पोख्रेल) (२०७९।०१।०५)


बढुवा समितिको सचिवालयको सूचना (२०७८।१२।२८ गते सोमबार)


माननीय महान्यायाधिवक्ताज्यूबाट मिति २०७८।०८।२२ मा जारी भएको महान्यायाधिवक्ताको कार्यालय तथा मातहत कार्यालयको एकीकृत कार्य सञ्चालन कार्यविधि, २०७८


कार्यविवरण तोकिएको सम्वन्धमा (उप-न्यायाधिवक्ता) (२०७८।११।०४)


कार्यविवरण तोकिएको सम्वन्धमा (सहायक न्यायाधिवक्ता) (२०७८।११।०४)


गुनासो सुन्ने अधिकारी सम्वन्धमा .......


मिति २०७८।०८।०६ गते नेपाल राजपत्रमा प्रकाशित सर्वोच्च अदालत (दोस्रो संसोधन) नियमावली, २०७८


समाचार

मातहतका कार्यालयहरुसँग भएको बैठक/अन्तरक्रिया कार्यक्रम सम्वन्धमा ..(२०७९।०३।३१)


कार्यालयको कार्यसम्पादन प्रतिवेदन फारमको रिपोर्ट सम्मवन्धमा .... (२०७९।०२।२९)


महिला बालबालिका, जनजाती, मधेशी, मुस्लिम, दलित तथा अन्य व्यक्तिसँग सम्बन्धित सरकारवादी मुद्दामा सरकारी वकीलहरुको प्रत्यक्ष सार्वजनिक संवाद कार्यक्रम सम्पन्न..... (२०७९।०२।२९)


२०७९ जेष्ठ महिनाको नियमित बैठक (Staff Meeting) सम्वन्धमा :- (२०७९।०२।२७ गते शुक्रबार)


सरकारी वकील र शिक्षक तथा विद्यार्थीहरु बीच अन्तरक्रिया कार्यक्रम सम्पन्न (२०७९।०१।१६)


विद्युतीय माध्यमद्बारा मातहत कार्यालयहरुसँग छलफल तथा अन्तरक्रिया (२०७८।१२।२५)


२०७८ फाल्गुण महिनाको नियमित बैठक (Staff Meeting) सम्वन्धमा :- (२०७८।११।२७ गते शुक्रबार)


सरकारी वकील र समुदाय बीच अन्तरक्रिया कार्यक्रम सम्पन्न ...... (२०७८ फाल्गुण १३)


२०७८ माघ महिनाको नियमित बैठक (Staff Meeting) सम्वन्धमा :- (२०७८।१०।२८)


२०७८ पौष महिनाको नियमित बैठक (Staff Meeting) सम्वन्धमा :- (२०७८।०९।३०)