सरकारी वकील र शिक्षक तथा विद्यार्थीहरु बीच अन्तरक्रिया कार्यक्रम सम्पन्न (२०७९।०१।१६)

सरकारी वकील र शिक्षक तथा विद्यार्थीहरु बीच अन्तरक्रिया कार्यक्रम सम्पन्न (२०७९।०१।१६)......

मिति २०७९।०१।१६ गते शुक्रबार समुदायमा सरकारी वकील कार्यक्रम अन्तरगत "सरकारी वकीलको सांगठनिक संरचना, काम, कर्तव्य एवं समग्र समुदायप्रति यसको दायित्व" विषयक कार्यक्रम समुदाय/विद्यार्थीलाई जानकारी गराउने उद्देश्यले रुपन्देही जिल्लाको तिलोत्तमा नगरपालिका वडा नं. ५ स्थित श्री शान्ती माध्यमिक विद्यालय मणिग्रामको सभाहलमा उच्च सरकारी वकील कार्यालय बुटवलका सहन्यायाधिवक्ता श्री मोहन सागर बश्यालज्यूको अध्यक्षता, विद्यालय व्यवस्थापन समितिका अध्यक्ष श्री शरद भट्टराईज्यूको विशेष आतिथ्यता, शिक्षक अभिभावक संघका अध्यक्षज्यू, शान्ती माध्यमिक विद्यायका प्र.अ. श्री कुल प्रसाद लामिछानेज्यू, शान्ती माध्यमिक विद्यायका सहायक प्र.अ. श्री स्थानेश्वर बश्यालज्यू, विद्यालय व्यवस्थापन समितिका शिक्षक प्रतिनिधिज्यू, विद्यालय व्यवस्थापन समितिका सदस्यज्यूहरु, शिक्षक अभिभावक संघका सदस्यज्यूहरु, विद्यालयमा अध्यापनरत शिक्षक शिक्षिकाज्यूहरु, अन्य कर्मचारीज्यूहरु, शान्ती माध्यमिक विद्यालयमा कक्षा ११ र १२ मा अध्ययनरत विद्यार्थीहरु, कार्यक्रममा सहभागी उच्च सरकारी वकील कार्यालय बुटवलका कर्मचारीहरु, स्थानीय सर्वसाधारण एवं पत्रकारहरु गरी ६७ (२७ महिला ४० पुरुष) जनाको उपस्थितिमा उच्च सरकारी वकील कार्यालय बुटवलको आयोजनामा कार्यक्रम सम्पन्न भएको  थियो ।

उक्त कार्यक्रममा उच्च सरकारी वकील कार्यालय, बुटवलका सह-न्यायाधिवक्ता श्रीमान् मोहन सागर बश्यालज्यूले "सरकारी वकीलको सांगठनिक संरचना, काम, कर्तव्य एवं समग्र समुदायप्रति यसको दायित्व" विषयक कार्यपत्र प्रस्तुत गर्नुभएको थियो । करीव ८ जना सहभागिहरुबाट सरकारी वकील र सरकार वादी मुद्दा सम्वन्धमा उठाईएका जिज्ञासाहरुको उच्च सरकारी वकील कार्यालय बुटवलका सह-न्यायाधिवक्ता श्री मोहन सागर बश्यालज्यूले विभिन्न रोचक उदाहरणहरु सहित सम्वोधन गर्नु भएको थियो साथै कार्यक्रम सफल बनाउन आ-आफ्नो क्षेत्रबाट सहयोग गर्ने सबै सहयोगी मनहरुलाई धन्यबाद दिनुभएको थियो ।

सो कार्यक्रममा सहभागी विद्यार्थीको तर्फबाट श्री नबिना भण्डारी, शान्ती माध्यमकि विद्यालयका प्र.अ. श्री कुल प्रसाद लामिछानेज्यू, विद्यालय व्यवस्थापन समितिका अध्यक्ष श्री शरद भट्टराईज्यूले मन्तव्य राख्नु भएको थियो । उक्त कार्यक्रममा उच्च सरकारी वकील कार्यालय बुटवलका सहायक न्यायाधिवक्ता श्री लक्ष्मी न्यौपानेज्यूले सहभागीहरुलाई स्वागत गर्दै कार्यक्रमको औचित्यमाथि प्रकाश पारी कार्यक्रमको सञ्चालन गर्नुभएको थियो ।

संलग्न जोडिएका विवरणहरु