समुदायमा सरकारी वकील कार्यक्रम सम्वन्धमा (२०७७।११।१२)

सरकारी वकील र समुदाय बीच अन्तरक्रिया कार्यक्रम सम्पन्न ......

मिति २०७७।११।१२ गते बुधबार समुदायमा सरकारी वकील कार्यक्रम अन्तरगत "सरकारी वकीलको सांगठनिक संरचना, काम, कर्तव्य एवं समग्र समुदायप्रति यसको दायित्व" विषयक कार्यक्रम समुदायलाई जानकारी गराउने उद्देश्यले रुपन्देही जिल्लाको सैनामैना नगरपालिका वडा नं. १० को कार्यालयको सभाहलमा उ.स.व.का. बुटवलका सहन्यायाधिवक्ता श्री मोहन सागर बश्यालज्यूको अध्यक्षता, सैनामैना नगरपालिका वडा नं. ११ का वडा अध्यक्ष श्री सुनिल मरासिनी, ऐ.ऐ. वडा नं. १० का.वा. वडा अध्यक्ष श्री कल्पना कुँवरज्यू, जिल्ला सरकारी वकील कार्यालय, रुपन्देहीका जिल्ला न्यायाधिवक्ता श्री डम्मर प्रसाद काफ्लेज्यू, जि.स.व.का. रुपन्देहीका सहायक जिल्ला न्यायाधिवक्ता श्री डिल्लीराज ज्ञवालीज्यू,  सैनामैना नगरपालिका वडा नं. १० का वडा सचिव श्री कमल पोखरेलज्यू, ईलाका प्रहरी कार्यालय सालझण्डीका प्रहरी निरीक्षक श्री कमल परियारज्यूको आतिथ्यता एवं सैनामैना नगरपालिका वडा नं. १० का वडा सदस्यज्यूहरु, अन्य कर्मचारीज्यूहरु, कानून संकायका विद्यार्थीहरु, सोही वडा अन्तरगतका टोल विकास समितिका अध्यक्षज्यूहरु, उपाध्यक्षज्यूहरु, सचिवज्यूहरु, प्रहरीहरु, कार्यक्रममा सहभागी उच्च सरकारी वकील कार्यालय बुटवल र जिल्ला सरकारी वकील कार्यालय रुपन्देहीका कर्मचारीहरु, स्थानीय सर्वसाधारण एवं पत्रकारहरु गरी ७५ (३४ महिला ४१ पुरुष) जनाको उपस्थितिमा उच्च सरकारी वकील कार्यालय, बुटवल र जिल्ला सरकारी वकील कार्यालय, रुपन्देहीको सम्यूक्त आयोजनामा कार्यक्रम सम्पन्न भएको थियो । उक्त कार्यक्रममा उच्च सरकारी वकील कार्यालय, बुटवलका सह-न्यायाधिवक्ता श्री मोहन सागर बश्यालज्यू र जिल्ला सरकारी वकील कार्यालय रुपन्देहीका जिल्ला न्यायाधिवक्ता श्री डम्मर प्रसाद काफ्लेज्यूले "सरकारी वकीलको सांगठनिक संरचना, काम, कर्तव्य एवं समग्र समुदायप्रति यसको दायित्व" विषयक कार्यपत्र प्रस्तुत गर्नुभएको थियो । करीव १५ जना सहभागिहरुबाट सरकारी वकील र सरकार वादी मुद्दा सम्वन्धमा उठाईएका जिज्ञासाहरुको उ.स.व.का. बुटवलका सह-न्यायाधिवक्ता श्री मोहन सागर बश्यालज्यूले विभिन्न रोचक उदाहरणहरु सहित सम्वोधन गर्नु भएको थियो साथै कार्यक्रम सफल बनाउन आ-आफ्नो क्षेत्रबाट सहयोग गर्ने सबै सहयोगी मनहरुलाई धन्यबाद दिनुभएको थियो । सो कार्यक्रममा सोही वडाका का.वा. वडा अध्यक्ष श्री कल्पना कुँवर, कार्यक्रममा सहभागीको तर्फबाट श्री खिमचन्द्र कार्की र सहभागी विद्यार्थीको तर्फबाट समिक्षा श्रीपालीज्यूले मन्तव्य राख्नु भएको थियो । उक्त कार्यक्रममा जि.स.व.का. रुपन्देहीका सहायक  जिल्ला न्यायाधिवक्ता श्री डिल्लीराज ज्ञवालीज्यूले सहभागीहरुलाई स्वागत गर्दै कार्यक्रमको औचित्यमाथि प्रकाश पार्नु भएको थियो भने कार्यक्रमको सञ्चालक उ.स.व.का. बुटवलका कम्प्यूटर अपरेटर श्री बुद्धिराम पराजुलीले गर्नुभएको थियो ।

संलग्न जोडिएका विवरणहरु