कार्यालयको कार्यसम्पादन प्रतिवेदन फारमको रिपोर्ट सम्मवन्धमा .... (२०७९।०२।२९)

उच्च सरकारी वकील कार्यालय बुटवलद्धारा आयोजित "सरोकारवाला निकायहरुसँगको अन्तरसम्बाद कार्यक्रम" मा महान्यायाधिवक्ताको कार्यालयको तेस्रो पञ्चबर्षीय रणनीतिक योजना (२०७८/०७९–२०८२/०८३) अन्तरगत सरकारी वकील कार्यालयको कार्यसम्पादनका सम्बन्धमा उपस्थित करिव ४३ जना सहभागिहरुलाई उच्च सरकारी वकील कार्यालय बुटवलले सरोकारवालासँगको अन्तरक्रियाको क्रममा जम्मा ८ वटा प्रश्नावली राखि तयार पारिएको कार्यालयको कार्यसम्पादन प्रतिवेदन फारम (सरोकारवालाले सन्तुष्टि वा असन्तुष्टि जनाउने) फाराम भर्न दिएकोमा निजहरुले भरेको फारम देहाय बमोजिम रहेको छ ।

तपाईं सरकारी वकील कार्यालयमा सेवा लिन आउँदा कसको सहयोग लिनु भएको थियो ? भन्ने जिज्ञासामा (६०.४६%) ले आफैं, (२०.९३%) ले गाउँका ठूलाबडाको, (०%) ले दलाल/मध्यस्थकर्ताको र (४.६५%) ले राजनैतिक व्यक्तिको सहयोग लिईएको भन्ने पाईयो ।  

त्यस्तै सरकारी वकील कार्यालयले सम्पादन गर्ने कामको सूचना कुन माध्यमबाट प्राप्त गर्नु भएको थियो ?  भन्ने जिज्ञासामा (५५.८१%) ले बेवसाईट, (१८.६०%) ले हेलपडेस्कको, (२.३२%) ले दलाल/मध्यस्थकर्ताको र (२३.२५%) ले अन्य सेवाग्राहीको सहयोग लिईएको भन्ने मत जाहेर गरेको पाईयो।  

त्यस्‍तै तपाईले सरकारी वकील कार्यालयमा सेवा लिन आउँदा कुनै दस्तुर एवं अतिरिक्त रकम (घुस) तिर्नु भएको थियो वा थिएन ? भन्ने जिज्ञासामा (३४.८८%) ले दस्तुरमात्र तिरेको, (60.46%) ले तिरेको छैन, (०%) ले एकदमै कम तिरेको र ०% ले धेरै तिरेको भन्ने मत जाहेर गरेको पाईयो ।  

त्यस्तै तपाईंले सरकारी वकीलसँग राखेको गुनासो समयमानै सुनुवाई भएको थियो वा थिएन ? भन्ने जिज्ञासामा (53.48%) ले समयमानै सुनुवाई भयो भन्नेमा, (23.25%) ले प्रक्रिया पुर्‍याउन कठिन भएको भन्नेमा, (6.97 %) ले गुनासो सुन्नै चाहेनन भन्नेमा एवं (2.32%) ले पछि सम्पर्क गर्न भनेको भन्नेमा आफ्नो मत जाहेर गरेको पाईयो ।

त्यस्तै तपाईंलाई सार्वजनिक सेवा वडा पत्र, अपराध पीडित र शंकितका अधिकारहरु, स्वच्छ सुनुवाईका आधारभूत मान्यताहरुको बारेमा जानकारी थियो वा थिएन ? भन्ने जिज्ञासामा (25.58%) ले,  जानकारी थियो भन्नेमा, (39.53%) ले कम मात्र जानकारी थियो भन्नेमा, (18.60%) ले सुनेको मात्र थिए भन्नेमा र (11.62%) ले जानकारी नै थिएन भन्नेमा आफ्नो मत जाहेर गरेको पाईयो ।

त्यस्तै तपाइँले सरकारी वकील कार्यालयबाट प्रदान गरिएको सेवा (समग्रमा कर्मचारीको व्यवहार, समय पालना, कार्यचुस्तता, फरक क्षमता भएका व्यक्तिलाई सेवा गर्ने तरिका) बाट कतिको सन्तुष्टि हुनुभएको थियो ?  भन्ने जिज्ञासामा (30.23%) ले अति सन्तुष्टमा, (32.55%) ले सन्तुष्टमा, (23.25%) ले ठिकैमा, र (9.30%) ले असन्तुष्टमा आफ्नो मत जाहेर गरेको पाईयो ।

त्यस्तै तपाई कार्यालयको सोधपुछ कक्ष, प्रतिक्षा कक्ष, खानेपानी, शौचालय एवं कार्यालय व्यवस्थापनबाट कत्तिको सन्तुष्ट हुनुभएको थियो ? भन्ने जिज्ञासामा (6.97%) ले अति सन्तुष्टमा, (32.55%) ले सन्तुष्टमा, (46.51%) ले ठिकैमा र (6.97%) ले असन्तुष्टमा आफ्नो मत जाहेर गरेको पाईयो ।

त्यस्तै सरकारी वकील कार्यालयको सेवा प्रवाहमा सुधार गर्नुपर्ने कुनै कुरा भए सुझाव दिनुहोस भन्ने जिज्ञासामा ९४% ले सकारात्मक पृष्ठपोषण प्रदान गरेको र ६% ले नकारात्मक पृष्ठपोषण प्रदान गरेको पाईयो ।

अत : निजहरुले भरेको फाराम अनुसार Whole total मा ९३% ले यस कार्यालयबाट प्रदान भएको सेवामा सन्तुष्ट/सकारात्मक रहेको र ७% ले असन्तुष्ट/नकारात्मक धारणा राखेको देखियो ।

      साथै यस कार्यलाई २०७९ असार १ गतेबाट कार्यालयमा सेवा लिन आएका सेवाग्राहीलाई प्रत्यक्ष यो फाराम भर्न लगाई उहाँहरुबाट आएका सकारात्मक सुझावहरुलाई कार्यान्वयनमा लगिने छ ।

संलग्न जोडिएका विवरणहरु