सम्पत्ति शुद्धीकरण मुद्दाको सन्दर्भमा सरोकारवाला निकायहरूबीचको अन्तरक्रिया

samachar

2076-3-27

विशेष सरकारी वकील कार्यालय, काठमाण्डौंले आयोजना गरेको “सम्पत्ति शुद्धीकरण मुद्दाको सन्दर्भमा सरोकारवाला निकायहरु बिचको अन्तरक्रिया" कार्यक्रम काठमाण्डौंमा मिति २०७६।३।२७ गते सम्पन्न भएको छ। 

उक्त कार्यक्रममा प्रमुख अतिथि माननीय महान्यायाधिवक्ता, महान्यायाधिवक्ताको कार्यालयका नायब महान्यायाधिवक्ताहरु, बिशेष अदालतका माननीय अध्यक्ष तथा सदस्यहरु, महान्यायाधिवक्ताको कार्यालयका सह-न्यायाधिवक्ताहरु, नेपाल राष्ट्र बैंकको वित्तीय जानकारी इकाइका प्रमुख, सम्पत्ति शुद्धीकरण अनुसन्धान विभागका महानिर्देशक, विशेष अदातलका रजिस्ट्रार, उप-रजिस्ट्रारहरु र विशेष सरकारी वकील कार्यालयका राजपत्राकिंत तथा राजपत्र अनकिंत कर्मचारीहरुको उपस्थिति रहेको थियो।

उक्त अन्तरक्रिया कार्यक्रममा सम्पत्ति शुद्धीकरण विभागको महानिर्देशक श्री रुपनारायण भट्टराईले  “सम्पत्ति शुद्धीकरण मुद्दामा अनुसन्धानकर्ताको भूमिका, समन्वय र अनुभव" विषयक र विशेष अदालतका माननीय अध्यक्ष श्री बाबुराम रेग्मीले “सम्पत्ति शुद्धीकरण सम्बन्धी मुद्दामा हाम्रो अभ्यास र सुधारका क्षेत्र" बिषयक कार्यपत्रहरु प्रस्तुत गर्नुभएको थियो। 

कार्यक्रममा स्वागत मन्तव्य व्यक्त गर्दै विशेष सरकारी वकील कार्यालयका सह-न्यायाधिवक्ता श्री मुरारी प्रसाद पौडेलले सम्पत्ति शुद्धीकरण तथा आतंककारी क्रियाकलापमा वित्तीय लगानी कसूरको अनुसन्धानका लागि सहि, सत्य र वास्तविक सूचना वा उजुरीको प्राप्ती पश्चात गरिने शंकारहित सबुद प्रमाण संकलन सहितको अनुसन्धान र सो अनुसन्धानबाट प्राप्त सबुद प्रमाणको आधारमा गरिने कानून सम्मत अभियोजन, बहस, पैरवी र प्रतिरक्षा तथा न्याय निरोपण क्रममा आई परेका विविध समस्याका बारेमा छलफल गरी सुधारका क्षेत्रहरु पहिल्याउन सकिन्छ कि? साझा बुझाई गर्न सकिन्छ कि? आगामी दिनमा आ-आफ्ना कार्यक्षेत्रबाट गरिने कामकारवाहीहरुलाई अझ बढी निखारता ल्याउन सकिन्छ कि? भन्ने जस्ता उद्देश्‍यले यो अन्तक्रिया कार्यक्रमको आयोजना विशेष सरकारी वकील कार्यालयबाट गरिएको हो भनी बताउनुभएको थियो।

कार्यक्रममा प्रस्तुत गरिएका कार्यपत्रहरुमाथि छलफल गर्दै आ-आफ्नो विचार एवं जिज्ञासा राखी सहभागीहरुले सक्रिय सहभागिता जनाउनुभएको थियो। उक्त कार्यक्रममा प्रमुख अतिथी माननीय महान्यायाधिवक्ता श्री अग्निप्रसाद खरेलले सम्पत्ति शुद्धीकरण सम्बन्धी कानूनमा संशोधन गर्नुपर्ने भए किन? कहाँ? कहाँ? र के प्राप्तिका लागि? तथा यसको सैद्धान्तिक एवं व्यवहारिक रुपमा आएका समस्याहरुलाई यथाशीघ्र सम्बोधन गर्नलाई आ-आफ्नो तर्फबाट पहल गर्ने प्रतिवद्धता प्रकट गर्नुभएको थियो। कार्यक्रमको अध्यक्षता गर्नुहुने नायब महान्यायाधिवक्ता श्री खगराज पौडेलले मन्तव्य सहित कार्यक्रम समापन गर्नुभएको थियो।


संलग्न जोडिएका विवरणहरु

No Attachments
समाचार

२०७७/०९/०३ गते समन्वय समितिको बैठक बसेको सम्बन्धमा


विशेष सरकारी वकील कार्यालय, काठमाडौँको कार्यालय भवन शिलान्यास


२०७६।९।२ गते समन्वय समितिको बैठक बसेको सम्बन्धमा


भ्रष्टाचार मुद्दाका सन्दर्भमा सम्बद्ध निकायहरूबीच अन्तरक्रिया कार्यक्रम सम्पन्न


विशेष सरकारी वकिल कार्यालयबाट हुने बहस, पैरवी र प्रतिरक्षा सबल बनाउन अपनाउनुपर्ने उपाय विषयक दुई दिवसीय कार्यक्रम


समुदाय-प्रहरी साझेदारी र समुदायमा सरकारी वकील कार्यक्रम


सम्पत्ति शुद्धीकरण मुद्दाको सन्दर्भमा सरोकारवाला निकायहरूबीचको अन्तरक्रिया


वर्तमान अवस्था, सुधारका क्षेत्रहरू र भावी रणनीति" सम्बन्धी कार्यक्रम नगरकोटमा सम्पन्न


सूचना प्रविधि र मुद्दा व्यवस्थापन प्रणाली (CMS) सफ्टवेयर प्रयोगसम्बन्धी सीप विकास तथा प्रशिक्षण कार्यक्रम सम्पन्न


सूचना प्रविधि र मुद्दा व्यवस्थापन प्रणाली (CMS) सफ्टवेयर प्रयोगसम्बन्धी प्रशिक्षण कार्यक्रम सम्पन्न