रसुवा जिल्ला प्रदेश नं. ३ अन्तर्गत तिब्बतसँग सिमाना जोडिएको हिमाली जिल्ला र क्षेत्रफलको आधारमा सबैभन्दा सानो जिल्ला हो । पुर्वमा सिन्धुपाल्चोक दक्षिणमा नुवाकोट पश्चिममा धादिङ जिल्लासँग भौगोलिक सिमाना जोडिएको यस जिल्लाको उत्तरतर्फ चीनको स्वशासित क्षेत्र तिब्बत रहेको छ। आन्तरिक सिमाना छुट्याउने कार्यमा नदी खोलानाला, पहाड र बाटोहरु तथा अन्तराष्ट्रिय सिमाना छुट्याउने कार्यमा हिमाली चुचुराहरुको उपस्थिति रहेको छ। यस जिल्लामा उच्च हिमाली चुचुराहरु पहाडीक्षेत्रको पठार तथा समथर बेसी र टारहरु लगायतका विविध भौगोलिक विशेषताहरु पाउन सकिन्छ। 

हिन्दुहरुको पवित्र तिर्थस्थल गोसाइँकुण्ड र यस कुण्डलाई उद्गमस्थल बनाई प्रवाहित त्रिशुली नदीले जिल्लाको वैभव कायम गर्नमा महत्वपूर्ण भूमीका निभाएका छन्। यस जिल्लाको भौगोलिक वनावट, हावापानी, वनजङ्गलको विविधता, नदीनाला र कुण्ड विभिन्न जातिहरुको बसोबास, रहनसहन, भेषभुषा आदिको विविधता रहेकोले यस जिल्लाले आफ्नै ऐतिहासिक महत्व बोकेको छ।

रसुवा जिल्ला लाई ५ वटा गाउँपालिका र २७ वडामा विभाजन गरिएको छ। जसमा आमाछोदिङ्मो गाउँपालिका, गोसाईकुण्ड गाउँपालिका, कालिका गाउँपालिका, नौकुण्ड गाउँपालिका र उत्तरगया गाउँपालिका रहेका छन्। नौकुण्ड गाउँपालिका र गोसाइकुण्ड गाउँपालिका ६/६ वडामा र अरु गाउँपालिका ५/५ वडामा विभाजन भएको छ।

भौगोलिक अवस्थिति:

• अक्षांश       : २८ डिग्री ० मिनेट उत्तरी अक्षांश देखि २८ डिग्री १५ मिनेट उत्तर

  देशान्तर      : ८५ डिग्री १५ मिनेटदेखि ८५ डिग्री ५० मिनेटपूर्व

  क्षेत्रफल      : १५१२ वर्ग कि.मि.

  सिमाना       :  पूर्वमा सिन्धुपाल्चोक, पश्चिममा धादिङ, उत्तरमा चीनको स्वशासित क्षेत्र तिव्वत र दक्षिणमा नुवाकोट जिल्लासँग सिमाना जोडिएको छ ।

  सबभन्दा होचोस्थान  : ६१४ मिटर

  सबभन्दा अग्लोस्थान : लाङटाङ हिमाल ७,२२७ मिटर

  सदरमुकाम              : धुन्चे (१९५० मि.)

  भौगोलिक बनावटको हिसावले उच्च हिमशिखर, नाङ्गा पहाड, भीर, पाखापखेरा, केही पहाडी एवम् बेंसी भू–भाग रहेको यस जिल्लालाई मुख्यतया तीन भाग/क्षेत्रमा विभाजन गर्न सकिन्छ ।

जिल्ला सरकारी वकील कार्यालय रसुवामा जिल्ला न्यायाधिवक्ता- १, सहायक जिल्ला न्यायाधिवक्ता- १, ना.सु.- १, खरिदार- १, सहायक कम्यूटर अपरेटर- १, हलुका सवारी चालक-१ र कार्यालय सहयोगी- ३ जना गरी जम्मा ९ जनाको दरवन्दी रहेको छ।

मुद्दा संख्याः-

आ.व. २०८०/०८१ को मुद्दा संख्याः