मिति २०८०/०६/२१ गते बारेकोट गा.पा.२ लिम्सामा समुदायमा सरकारी वकील कार्यक्रम सम्पन्न

मिति २०८०।६।२१ गते जिल्ला जाजरकोट बारेकोट गाउँपालिका वडा नं. २ लिम्सा स्थित बारेकोट गाउँपालिकाको सभाहलमा समुदायमा सरकारी वकील कार्यक्रम सम्पन्न गरिएको । उक्त जिल्ला सरकारी वकील कार्यालय जाजरकोटका जिल्ला न्यायाधिवक्ता श्री रत्न प्रकाश गिरीको अध्यक्षता गर्नु भएको कार्यक्रमको प्रमूख अतिथिमा बारेकोट गाउँपालिकाका अध्यक्ष श्री विर बहादुर गिरी रहनु भएको थियो भने विशिष्ट अतिथिमा सोही गाउँपालिकाका उपाध्यक्ष श्री नर बहादुर गिरी रहनु भएको थियो । कार्यक्रमको अतिथिमा जिल्ला अदालतका स्रेस्तेदार श्री नारायण सापकोटा र जिल्ला कानूनी सहायता अधिकारी श्री सहदेवजंग शाह समेतले आशन ग्रहण गर्नु भएको थियो । जम्मा ५९ जनाको सहभागिता रहेको कार्यक्रममा जिल्ला न्यायाधिवक्ता श्री रत्न प्रकाश गिरीले सरकारी वकीलको परिचय¸ सरकारी वकीलको संगठनात्मक चार्ट¸ अपराधको अर्थ र परिभाषा¸ अपराधका चरणहरु¸ अपराध अनुसन्धानमा सरकारी वकीलको भुमिका¸ जाजरकोट जिल्लाको अपराधको प्रक्रिति¸ सरकारी वकील कार्यालयबाट दायर भएका मुद्दाहरु र सफलता दर¸ अपराध पीडितको परिभाषा¸ अपराध पीडितका अधिकारहरु¸पीडितका कर्तव्यहरु¸ अपराध पीडितको अधिकार संरक्षण गर्न र पीडितलाई न्याय दिलाउन सरकारी वकीलको भुमिका¸ मुद्दाको अभियोजनको क्रममा सरकारी वकीलको भुमिका¸ मुद्दाको सुनुवाइको क्रममा सरकारी वकीलको भुमिका¸ फैसला कार्यान्वयनको क्रममा सरकारी वकीलको भुमिका¸ अभियुक्तलाई सजाय दिलाउन सरकारी वकीलको भुमिका¸ अपराध अनुसन्धान अभियोजन र न्याय सम्पादनमा सरकारी वकीलको भुमिका¸ समुदायका सदस्यहरुले थाहा पाई राख्नुपर्ने कुराहरु¸ स्वच्छ सुनुवाइका मान्यताहरु¸ शंकितका आधारभुत अधिकारहरु र सजायको वर्गिकरण लगायतका विषयहरु समेटिएको कार्यपत्र  प्रस्तुत गर्नु भएको थियो । 

जाजरकोट जिल्ला अदालतका स्रेस्तेदार श्री नारायण सापकोटाले अदालतबाट प्रदान गरिने सेवा प्रवाह तथा अदालतसँग सम्बन्धित विषयहरुमा आफ्नो भनाई राख्नु भएको थियो ।

जिल्ला कानूनी सहायता अधिकारी श्री सहदेवजंग शाहले जिल्ला कानूनी सहायता समितिले प्रदान गर्ने कानूनी सेवा/ सहायता र कानूनी सहायताको सुविधा लिनको लागि पेश गर्नुपर्ने कागजात लगायतको विषयमा आफ्नो भनाई राख्नु भएको थियो ।   

कार्यक्रममा उपस्थित सहभागिहरुले राखेको जिज्ञाशाको सम्बन्धमा आ-आफ्नो कार्यालयसँग सम्बन्धित जिज्ञाशाहरुको जवाफ जिल्ला न्यायाधिवक्ता रत्न प्रकाश गिरी र स्रस्तेदार नारायण सापकोटाले दिनु भएको थियो ।

संलग्न जोडिएका विवरणहरु