कर्णाली प्रदेशको राजधानी सुर्खेत जिल्लाको वीरेन्द्ननगर नगरपालिका वडा नं. ७ मा अवस्थित यस जिल्ला सरकारी वकील कार्यालय, सुर्खेत वि.सं. २०५७ सालमा स्थापना भएको हो । यस कार्यालयले २२८० व.मि. क्षेत्रफलमा तत्कालिन पुनरावेदन सरकारी वकील कार्यालय, सुर्खेतको नाममा रहेको भवनमा कार्यालय संचालन भएको छ । यस कार्यालयमा जिल्ला न्यायाधिवक्ता (रा.प. द्वितीय) १, सहायक जिल्ला न्यायाधिवक्ता(रा.प. तृतीय) २, नायब सुब्बा (रा.प.अनं. प्रथम) ३, टाईपिष्ट ना.सु., (रा.प.अनं. प्रथम) १,  हलुका सवारी चालक १ र कार्यालय सहयोगी ३ गरी कूल ९ दरबन्दी रहेकोमा हाल काजमा कार्यरत ना.सु. (रा.प.अनं. प्रथम) १ र सहायक कम्प्युटर अपरेटर (रा.प.अनं. द्वितीय) १ गरी जम्मा १२ जना कर्मचारीहरु कार्यरत रहेका छन् । त्यसै गरी महान्यायाधिवक्ताको कार्यालयको मिति २०७५।०६।०२ को निर्णयानुसार १ जना डाटाइन्ट्री अपरेटरको समेत व्यवस्था गरिएकोमा हाल उक्त कार्यक्रमको अवधी सकिएकोले डाटा अपरेटरको व्यवस्था नभएको छ ।    महान्यायाधिवक्ताको कार्यालयबाट प्रत्येक प्रदेशमा एउटा सरकारी वकील कार्यालयलाई नमुना सरकारी वकील कार्यालयको रुपमा विकास गर्ने कार्यक्रम अन्तर्गत कर्णाली प्रदेशको यस कार्यालयलाई नमुना सरकारी वकील कार्यालयको रुपमा विकास गरिएको छ ।