2078-9-19
जिल्ला सरकारी वकील कार्यालय, डडेल्धुराले आ.व २०७८।७९ मा बार्षिक कार्ययोजना अनुरुप दोस्रो समुदायमा सरकारी वकील कार्यक्रम सम्पन्न गरेको छ । मिति २०७८।०९।१६ गते अमरगढी नगरपालिका वडा नं. ७ , डडेल्धुरामा उक्त कार्यक्रम सञ्चालन गरेको हो । उच्च सरकारी वकील कार्यालय, महेन्द्रनगरका निमित्त सहन्यायाधिवक्ता श्री कृष्णराज पन्तज्यू समेतको उपस्थितिमा उक्त कार्यक्रम सम्पन्न भएको थियो । कार्यक्रमको सञ्चालन सहायक जिल्ला न्यायाधिवक्ता श्री खड्क बहादुर खड्काले गर्नु भएको थियो भने कार्यक्रम सञ्चालनको क्रममा यसको उद्देश्यमाथि प्रकाश पार्नु भएको थियो । उक्त कार्यक्रममा ५२ जना सहभागिहरुको उपस्थिति रहेको थियो भने मुलुकी अपराध संहिता,२०७४ को मुलभुत प्रावधानहरु, मानव अधिकार र मौलिक हक सम्बन्धी व्यवस्था, सरकारवादी फौजदारी मुद्दाको प्रक्रियामा समुदायका मानिसहरुको भुमिका सम्बन्धमा छलफल भएको थियो । नि. सहन्यायाधिवक्ताज्यूले सहभागीहरुले राखेको जिज्ञासाको समाधान सहितको मन्तव्य उक्त कार्यक्रममा दिनु भएको थियो ।
मोबाइल एप
