नेपालको संविधान २०७२ को भाग १२ मा महान्यायाधिवक्ता सम्बन्धी ब्यवस्था रहेको र सो मातहत उच्च सरकारी वकील कार्यालयहरु र प्रत्येक जिल्लामा सरकारी वकील कार्यालयहरु रहेका छन । 

        यस जिल्ला सरकारी वकील कार्यालय म्याग्दी बेनी पवित्र कालीगण्डकी नदीको तटमा म्याग्दी खोलाको संगम स्थल बेनी बजारमा अवस्थित छ‚ यस कार्यालयले म्याग्दी जिल्ला बे.न.पा ७ स्थित बालमन्दिरचोक बेनी बजारमा आफ्नै भवनबाट सेवा प्रवाह गरिरहेको छ ।  

      यस कार्यालयमा जिल्ला न्यायाधिवक्ता (रा.प द्धितिय) कार्यालय प्रमुख‚ सहायक जिल्ला न्यायाधिवक्ता (रा.प.तृतिय) १‚ नायब सुब्बा १‚ खरिदार १‚ सहायक कम्प्युटर अपरेटर १‚ हलुका सवारी चालक १ र अन्य सहयोगी कर्मचारी ३ जना गरी जम्मा ९ जनाको दरबन्दी रहेको छ ।

      यस कार्यालयबाट नेपाल सरकारको तर्फबाट चलाइने मुद्दाहरूको सन्दर्भमा सम्बन्धित अदालत वा न्यायिक अधिकारी समक्ष अभियोगपत्र वा कानुन बमोजिम फिरादपत्र दर्ता गर्ने, मुद्दाको बहस पैरवी र प्रतिरक्षा गर्ने एवं कानूनी राय सल्लाह प्रदान गर्ने जस्ता प्रमुख कार्यहरु सम्पादन हुने गर्दछ ।

      यस कार्यालयमा निम्नलिखित शाखाहरु रहेका छन

१. योजना कार्यान्वयन शाखाः- योजना तर्जुमा तथा कार्यान्यन गर्ने । २.  मुद्धा शाखाः- मिसिल कागजात व्यवस्थापन गर्ने, अभियोग तयार गर्ने‚ CMS Data Entry गर्ने‚ पुनरावेदन‚ ७३ नं. निवेदन‚ अन्य निवेदन र पत्र तयार गर्ने लगायतका कार्यहरु गर्ने । ३.लेखा तथा जिन्सी शाखाः- कार्यालयको लेखाको अभिलेख राख्ने तथा जिन्सी सामानहरुको ब्यवस्थापन गर्ने । ४.पिडित तथा साक्षी संरक्षण शाखाः- पीडित तथा साक्षीलाई कानुनी परामर्श दिने‚ बकपत्रका लागि अदालतमा सहजीकरण गर्ने‚ सम्बन्धीत मुद्धामा सुचना दिने प्रयोजनका लागि सम्पर्क ब्यक्ति समेत तोकिएको छ । ५. प्रशासन शाखाः- कार्यालयको दैनिक प्रशासनिक कार्यहरु गर्ने । ६. पुनरावेदन शाखाः- पुनराबेदन गर्ने नगर्ने प्रस्ताब तयार गरी जिल्ला न्यायाधिवक्ता समक्ष पेश गर्ने ।

      यस कार्यालयको काम कारवाही र सुचना सम्बन्धी अन्य जानकारीका लागि यस कार्यालयको वडापत्र हेर्न तथा सुचना अधिकारी एंव सम्पर्क ब्यक्तिलाई समेत सम्पर्क गर्न सकिनेछ ।