अभियोजनमा सुधार फौजदारी न्यायको आधार भन्ने नारालाई सफल पार्न अनुसन्धान गर्ने अनुसन्धान अधिकृत, प्रहरी अधिकृत र अभियोजनकर्ता सरकारी वकील बीच छलफल कार्यक्रम मिति २०७८।०९।१६ गते सम्पन्न भयो ।

मिति २०७८।०९।१६ गते अभियोजनमा सुधार फौजदारी न्यायको आधार भन्ने नारालाई सफल पार्न कपिलवस्तु जिल्ला भित्र अनुसन्धान गर्ने अनुसन्धान अधिकृत, प्रहरी अधिकृत र अभियोजनकर्ता सरकारी वकील बीच छलफल तथा प्रभावकारी अभियोजनको लागि जिल्ला न्यायाधिवक्ता रत्न प्रकाश गिरी ज्यूको अध्यक्षतामा बैठक बसी तपसिल बमोजिम छलफल तथा निर्णय गरियो ।

   तपसिल:-

• मुद्दाका साक्षीहरुलाई अदालतले तोकेको दिन उपस्थित गराउने सम्बन्धमा जिल्ला भित्र अनुसन्धान गर्ने हरेक प्रहरी कार्यालयमा बकपत्रको लागि एक जना प्रहरी कर्मचारीको छुट्टै व्यवस्था गर्ने, मुद्दामा पीडित, जाहेरवाला र देख्नेलाई मात्र प्राथमिकता दिई उपस्थित गराउने, उपस्थित गराउन नसकिने साक्षीको सम्बन्धमा उक्त दिन नै जनप्रतिनिधिको रोहवरमा मुचुल्का बनाई पेश गर्ने ।
• लागु औषध मुद्दामा बरामदी मुचुल्का उठानासाथ प्रतिवादीको घर तुरुन्तै खानतलासी गर्ने, वयान पोल गरेको छ भने सोही बमोजिम गर्ने साथै बरामदी मुचुल्का र प्रतितिवेदन दिने प्रतिवेदक प्रहरीको बीचमा उचित तालमेल मिलाउने लागु औषध मुद्दामा शारिरीक परिक्षण तोकिएको ढाँचामा राख्ने ।
• तामेली मुद्दाको सम्बन्धमा १ महिना अगाबै सक्कल मिसिल पेश गर्ने, विवाहित महिलाको मृत्यु भएमा निजको माईती पक्षलाई तुरुन्तै जानकारी दिई निजहरुको घटना विवरण कागज मिसिल समावेश गरि राख्ने ।
• हरेक प्रहरी कार्यालयबाट वयान गराउन ल्याउने प्रतिवादीको वयान लगायतका विषयमा व्यवस्थापनमा सहज गराउने सहज गराउने  उद्देश्यले जिल्ला भित्र रहेका प्रहरी कार्यालयले आफ्नै सहजताको लागी सरकारी वकील कार्यालयमा Computer र printer व्यवस्था गर्ने सो को लागि सबै मिली पहल गर्ने निर्णय गरियो ।

संलग्न जोडिएका विवरणहरु