राष्ट्रिय सम्मेलनबारे पूर्व महान्यायाधिवक्ताहरूसँग छलफल ।

माननीय महान्यायाधिवक्ता श्री अग्नि प्रसाद खरेलले यही पौष ८, ९ र १० गते आयोजित नेपालका सरकारी वकीलहरूको दोस्रो राष्ट्रिय सम्मेलनको तयारीका सन्दर्भमा पूर्व महान्यायाधिवक्ताज्यूहरूसँग २०७५ पौष ४ गते छलफल गर्नुभएको छ ।

महान्यायाधिवक्ताको कार्यालयमा आयोजित छलफल कार्यक्रममा माननीय महान्यायाधिवक्ताले राष्ट्रिय सम्मेलनको तयारी तथा सम्मेलनमा छलफल हुने विषयहरूका बारेमा जानकारी गराउनुभएको थियो । उहाँले महान्यायाधिवक्ताको कार्यालयको नेतृत्व गरिसकेका पूर्व महान्यायाधिवक्ताज्यूहरूबाट संस्थागत सुधारका लागि आफ्नो कार्यकालमा भएका प्रयासहरूको स्मरण गर्दै धन्यवाद दिनुभयो ।

उक्त अवसरमा महान्यायाधिवक्ताको कार्यालयको संस्थागत र व्यावसायिक सुधारका क्षेत्रमा भेरहेका प्रयासहरूका बारेमा समेत जानकारी गराइएको थियो । सहभागी पूर्व महान्यायाधिवक्ताहरूले संस्थाले सम्झेकोमा खुसी व्यक्त गर्दै सम्मेलन सफलताको कामना गर्नुभएको थियो । पूर्व महान्यायाधिवक्ताहरू सम्मेलन मूल आयोजक समितिको सल्लाहकार हुनुहुन्छ ।